மட்டக்களப்பு தேசிய கல்வியற் கல்லூரியில் "வித்தியாதீபம் " செய்திமடல் வௌியீட்டு விழா கல்லூரி மண்டபத்தில் நடைபெற்றது

(எஸ்.சதீஸ்)

மட்டக்களப்பு - தாளங்குடா தேசிய கல்வியற் கல்லூரியில் வித்தியாதீபம் எனும் செய்திமடல் வௌியீட்டு விழா  கல்லூரி மண்டபத்தில் நடைபெற்றது.


மட்டக்களப்பு தேசிய கல்வியற் கல்லூரியின் ஆசிரிய மாணவர்களும் விரிவுரையாளர்களும் இணைந்து அமைக்கப்பட்ட செய்தி மடல் வௌியீட்டுக் குழுவினால் மேற்படி செய்தி மடல் வௌியிடப்பட்டது.


இந் நிகழ்வில் கல்லூரியின்  பீடாதிபதி கே. புண்ணியமூர்த்தி, பிரதி பீடாதிபதி ஈ. மனோகரன், உப பீடாதிபதிகளான திரிமதி வீ.சுந்தரராஜன், ரி. குகதாசன், பொறுப்பு விரிவுரையாளர் எம்.சி. யுனைட் மற்றும் கல்லூரியின் விரிவுரையாளர்கள், கல்லூரி உத்தியோகத்தர்கள், ஆசிரிய மாணவர்கள் என பலர் கலந்துகொண்டனர்.

கல்லூரியின் ஆசிரிய மாணவர்களின் எழுத்து ஆற்றல்களை மேம்படுத்தும் வகையிலும் அமைக்கப்பட்ட களமாக இந்த வித்தியாதீபம் வௌியீடு அமைந்துள்ளது, இவ்வாறான சந்தர்பங்களை மாணவர்கள் சிறந்தமுறையில் பயன்படுத்தி, தொடர்சியான வௌியிடுகளை படைத்து ஆற்றல்களை வளர்க்க வேண்டும் என கல்லூரியின்  பீடாதிபதி கே. புண்ணியமூர்த்தி தெரிவித்தார்.

இந் நிகழ்வின்போது அதிதிகளால் வித்தியாதீபம்  செய்தி மடல் பற்றிய உரைகளும் இடம்பெற்றது.